Hiregst (Herbst) Karl Bacher

Vorbei is da Summa
de Schwolbm floign scho furt ...
Do is´s mer, ols wann i
ah hoamzogn wurdt.

De Erd hot ihrn Kinern
ihr Frucht gebn fürs Haus,
is müad iazt, de Muaida,
iazt rost´t sa si aus.

Wird bold de weiß` Tuchat
si zoign übers Gsicht.
Do is mer, daß wer ah
das Bett für mi richt´t ...

Mei Muida is´s nimmer, -
de is weit, weit dahoam ...
und da Hiregst kimt wieder. -
mir wird weh in der Ghoam.

Da Nochtwind hebt d´Schwingan,
mein Seel floigt drauf furt ...
Und mir is´s grod, wia wonn i
weit hoamtrogn wurdt ...

 

Karl Bacher
(*10.2.1884, +8.5.1954) Geboren in Waltrowitz bei Znaim. Südmährischer
Heimatdichter, dessen Themen vor allem die Liebe zur Natur, Heimat und zum
Brauchtum bekunden.